كلمات الى روح الفقيد احمد العش في ذكرى رحيله الرابعة زميلي الكبير ...لئن انعم علي القدر بزمالتك لسنوات فانني لابد ان اشير الى اني __وانا في سن الثانية عشر من عمري __كنت احد مستمعيك وعشاقك ....كنت مثل كل الاخرين انتظر بلهفة وحب وباذن صاغية نقشاتك في __حديث الرياضة __ومنها تلك التي بقيت راسخة في ذهني وانت تعلق على السي اس اس بقولك ++ هذيكا سور البلاد ++ فدعني اقل لك اشياء كثيرة عن البلاد وسور البلاد ...البلاد يا سي احمد °° تشكي لربي °°...البلاد يا سي احمد اصبحت مرتعا لللصوص وبكل المفاهيم °° سياسيا واقتصاديا واجتماعيا ورياضيا °° بلاد الهاجوج والماجوج بلاد الباندية وبلاد جراو السوق __ جمع جرو وهو صغير الكلب ...__دعني يا سي احمد اعطك بعض الامثلة في الميدان الرياضي ...تتذكر اكيد هاكا المخ اللي ديما يعواد ويكعرر °° المخ عمرو ما يرخ °°زعمة لو كان جيت معانا اليوم ما كنتش تقللو ++ يا سي المخ اشبيك رخيت هاكا العام وقت اللي سيدك شيبوب لصقك بداودي . قدام الكبير والصغير وانت مدنقز راسك لا حس لا مس .؟؟؟++ يا سي احمد اكيد تتذكر سي جمال العارم احد رؤساء النادي ....عادة يقولو ولد الوز يطلع عوام ....لكن وليدو وليد وصل يهدد رويد بالقتل وهو يدافع على فريقو البقلاوة امام المكشخة ....في الحالة هذي ولد الوز طلع داعشي ....وقداش عندنا يا سي احمد من دواعش متسترين ... اكيد يا سي احمد تتذكر ولدنا انيس بوجلبان ....ولدنا هذا في الاحد الراياضي كيف يجبدو على السي اس اس يبلع لسانو ... لسان حاله يقول ...اهواك واتمنى لو انساك ...الكرسي والكاميرا يعملو ....اما عن الجامعة فهي خنار اخر ...ويصح عليها المثل ...قالو للجرو اشبيك تلهف ...قالهم خايف من قائلة غدوة ...وكانك فهيم ونعرفك ابو المفهومية تبع الغرزة ...ورغم التعاسة الموجودة في البلاد اطمان يا سي احمد السي اس اس ديما برجالها كيف ما تعرفها ...اليوم بحافلتها الخاصة وغدا بطائرتها الخاصة وعلى ذكر الطائرة __والاكيد تتذكر هاكا العام وقت المكشخة جاتنا على الطيارة وكلاة حارة __ والجايات اكثر من الرايحات .... نختملك بسور البلاد يا سي احمد ...سورنا ديما عالي وكيف ما كنت تقول انت يحرسوه اولياء المدينة ..... سورنا متماسك رغم كل الاهمال اللي تعاني صفاقس ورغم كل الوعود الزائفة من السبورة اللامعة حتى للمدينة الرياضية مرورا بالتلوث و تبرورة والبنية التحتية والفوقية ..... رغم كل شيء يا سي احمد سورنا عالي ومافيهش ثغرات ....اش معناها مافيهش ثغرات ؟؟؟؟ يعني هو السور الوحيد في العالم الذي حافظ على استدارته الكاملة ....وهذا وحدو دليل على التماسك متاع صفاقس ...يا سي احمد نم هادئا مطمئن البال في مثواك لانو سورنا عالي والسي اس اس في العلالي ولو قتلونا كما قتلونا ° ولو شردونا كما شردونا ° ولو ابعدونا عن الكأس يوما ° وينوون نفس الشيء في دنيا البطولة ° لعدنا غزاة لهذا البلد ° صباحا مساء ويوم الاحد .....عبدالكريم 30 افريل 2016
