الشاب أكرم زيتون ابن المدرسة الوطنية للمهندسين بصفاقس سابقا احدى الطاقات الشابة الذي لم تمنح له الفرصة في تونس لطبيعة النظام الدراسي العقيم و خلصة لسوء تصرف بعض المسؤولين ينشر قصته الواقعية و كيف استطاع ان ينجح و يتألق دوليا و كيف تم تهميشه في تونس و تم احتضانه في أوروبا :
" نتفكر في 2013 مشيت للشاف "دبارتمن" قتلو نحب نكمل نقرا البرة ونعمل دوبل دبلوم.. هز راسو من البيرو وقالي: "ولدي نبعثو كان لوول ولا الثاني" لحد توا لحكاية عادية أما باعد زاد قالي : "حتى كان وصلنالك مانبعثش واحد يحشمني معا الفرانسيس" .. مانتفكرش نهار بكيت قد نهارتها.. مانتفكرش نهار حسيت روحي مانسوا شي قد نهارتها..
اليوم بعد 4 سنين نحب نقلوا شكراً خاطر ليوم أنا كملت دراسة الماجستير في الهندسة الميكانيكية المتقدمة بجامعة كارديف... بعد 4 سنين شكراً خاطر نخدم مدير مشروع بحثي في علوم الفضاء والطيران في المملكة المتحدة... بعد 4 سنين شكراً خاطر ليوم نبدى دراسة رسالة الدكتوراه في هندسة الفضاء والطيران إختصاص ميكانيك في جامعة فارفيك.. شكراً خاطر بعد 04 سنين حققت حلمي.. ليوم أنا مازلت في أول الثنية.. ليوم بديت طريقي.. شكراً سيدي خاطرك مأمنتش بيا وخلتني نكتشف نفسي أكثر.. الحمد لله "