نشر محمد أمين الحمروني لاعب النادي الصفاقسي تدوينة، على حسابه عبر موقع التواصل الإجتماعي، اليوم الثلاثاء 17 جويلية 2020، إحتح خلالها على إدارة الأسود والأبيض بسبب التهميش وعدم خوضه التربص المغلق بالعاصمة.
وفي ما يلي نص التدوينة" السلام عليكم ... بالا هي نحب نحكي حاجة صايرة معايا و كان معايا قاعدة تصير أما نحب نفهم علاش .. علاش كان أنا .. صحيح غلطت و تضربت في تكويرة سيكس موش في الشفار كيما حكاو العباد.... أما تو وفات و رجعت لباس الحمد الله و العباد لقريبتلي تعرف زهر ما فماش لا أكثر و لا أقل قداش من مرة نجي باش نحكي و بعد نقول ميسالش تو كي ناخذ فرصتي نجاوب في التيران أما الله غالب.كيما قلت الزهر ما فماش .... تكلمت المرا هاذي خاتر بالحق نحس فيهم يستناولي في أقل حكاية باش ديما قدام العباد أنا ديما غالط... أنا مانيش لاعب مانيش لاعب.... هاني تكلمت ووضحت وأكثر حاجة خلاتني نتكلم لآنا عملت كل شي باش نخلت معاهم في الستاج هذا إلي نورمالمون آمس الإثنين نبدا نجري مع المعد البدني نلقا روحي في صفاقس ... 1 بالمئة لأنا عندي أهمية وإلي أنا جوار في من طرف المسؤولين عمري ما حسيتها .... كان البراني يحبو ويعتيوه قدروا ... لقيت روحي كرهت أكثر حاجة نحبها في حياتي قلت خليني نحكي و هوما لكرهوني فيها .... وكان قلت حاجة غالطة ينجم يكذبني نحكي على المسؤولين.... (ماكلمني حتى معد باش يدربني آمس هكا علاش تكلمت ) وإلي كاتبهولي ربي تو نشوفوا وعندي ثيقة فيه وفي روحي"٠
